Hêvî

min kurdistana xwe ava kir 
li aliyê çepê yê welatê dilê xwe

ez dixwazim bibim ferîşteyê azadiyê
ez dixwazim fêrmiskên hemû dayîkan kom bikim
û li nava dilê xwe yê birîndar bigerînim
bikim dermanê azadiyê...

bila fêrmiskên dayîkan bibin xwîna jiyanê 
û di nava tamarên bedena min de bigerin

min berê xwe daye evînistana welatên bilind

ez dixwazim hemû kurdistanan kom bikim
 ji nava dilan

ez dixwazim hemû kurdistanên nava dilê azadîxwazan
ên aliyê çepê tomar bikim
û bi ser erdnîgariya dilîstanên wêrek de bibarînim