Mıjaren Bıjare

Kitêba Mijarên Bijare, wek ku ji navê wê diyar e, nivîskarê wê -Mela Mihemedê Şoşokî- bes derbarê mijarekê de nenivîsiye; belkî wek keşkûlekê mijarên cûrbecûr yên ku girîng tîtiye yan kêfa wî jê re hatiye tê de civandine. Giranîya naveroka wê li ser tefekur, hîkmet û şîretan e. Xîlafî kitêbên xwe yên din, di vêya han de gelek caran mijarên xwe bi şê’rikî jî gotiye. Lewma meriv dikare bêje ku ev kitêb dîwançeyeke Seydayê Şoşikî ye. Di metnê nesrî de jî car caran dawîya cumleyan bi sec'ê  bi hev ve girêdane. Vegotina mijaran li ser uslûba xîtabetê ye. Kitêba han, digel alîyê xwe yê ilmî, girîngîya xwe ya zimanî jî heye; bi sedan terîm û terkîbên nû û nenas di xwe de dihewîne; hem meriv dide fikirandin, hem jî zewqeke edebî bi meriv dide tamandin.